गो.पु.पाटील विद्यालय व कनिष्ठ महाविद्यालय,कोळगाव येथे २१ व्या पुण्यस्मरण सप्ताहास सुरुवात….!!!!
कोळगाव ता.भडगाव – कर्मवीर तात्यासाहेब हरि रावजी पाटील किसान शिक्षण संस्था,भडगाव,संचलीत गोपीचंद पुना पाटील,विद्यालय व कनिष्ठ महाविद्यालय,न्यू.इंग्लिश मेडियम स्कूल,कला व विज्ञान महाविद्यालय,कोळगाव (भडगाव) यांच्या संयुक्त विद्यमाने दिनांक-२३ सप्टेंबर २०२२ ते ३० सप्टेंबर २०२२ पर्यंत आयोजित कर्मवीर तात्यासाहेब हरी रावजी पाटील पुण्यस्मरण सप्ताहाचे उद्घाटन प्राचार्य सुनिल पाटील यांच्या हस्ते होऊन सप्ताहास मोठ्या उत्साहात सुरुवात करण्यात आली.
आठवडाभर चालणाऱ्या या कार्यक्रमात न्यू इंग्लिश मेडियम स्कूल,विद्यालय,कनिष्ठ महाविद्यालय,वरिष्ठ महाविद्यालयातील विद्यार्थ्यांसाठी रांगोळी,निबंध,चित्रकला,कथा-कथन,वादविवाद,वक्तृत्व,गीत-गायन,चालता-बोलता इ.स्पर्धांचे आयोजन करण्यात आले आहे.
व्यासपीठावर महाविद्यालयाचे प्राचार्य सुनिल पाटील,पर्यवेक्षक अनिल पवार,कार्यवाहक आर.ए.पाटील,वरिष्ठ महाविद्यालयाचे प्र.प्राचार्य संदिप बाविस्कर आदि उपस्थित होते.
आठवडाभर चालणाऱ्या या सप्ताहातील विविध स्पर्धेसाठी तसेच कार्यक्रमांसाठी प्राचार्य सुनिल पाटील,पर्यवेक्षक अनिल पवार यांच्या मार्गदर्शनाखाली प्राध्यापक-प्राध्यापिका,शिक्षक-शिक्षकेतर कर्मचारी मेहनत घेत आहेत.
कार्यक्रमाचे सुत्रसंचालन प्रा.प्रशांत पाटील यांनी केले तर यांनी आभार प्रा.दिपक पाटील यांनी मानले तसेच छायाचित्रणाची जबाबदारी एम.ए.पवार यांनी पार पाडली.
