पांडे मतिमंद विद्यालयातील विद्यार्थ्यांसोबत श्री.गो.से. हायस्कूल, पाचोरा येथे रक्षाबंधनाचे आयोजन
पांडे मतिमंद विद्यालयातील विद्यार्थ्यांनी स्वतः निर्मित केलेल्या राख्यांचा स्टॉल दि.10 ऑगस्ट रोजी श्री.गो. से.हायस्कूल पाचोरा येथे लावण्यात आला होता. या स्टॉलचे उद्घाटन मुख्याध्यापिका सौ.पी.एम. वाघ मॅडम यांच्या हस्ते करण्यात आले.
याप्रसंगी गो.से. हायस्कूलच्या विद्यार्थिनींनी पांडे विद्यालयातील विद्यार्थ्यांना राख्या बांधून रक्षाबंधन सण साजरा केला.
पांडे विद्यालयातील दिव्यांग विद्यार्थ्यांच्या कौशल्याचे सौ.पी.एम. वाघ मॅडम यांनी कौतुक केले. श्री गो. से. हायस्कूल च्या शिक्षक व विद्यार्थ्यांनी राख्या विक्रीला चांगला प्रतिसाद दिला.
या प्रसंगी पर्यवेक्षक श्री. आर. एल. पाटील सर श्री. ए बी. अहिरे सर व इतर कर्मचारी उपस्थित होते.
