तिसगाव येथील कल्याण मरकड खुन प्रकरणातील आरोपीस नेवासा न्यायालयाकडून जामीन मंजूर,प्रवरा संगम येथील नदीत आढळला होता म्रुतदेह

तिसगाव येथील कल्याण मरकड खुन प्रकरणातील आरोपीस नेवासा न्यायालयाकडून जामीन मंजूर,प्रवरा संगम येथील नदीत आढळला होता म्रुतदेह

(सुनिल नजन “चिफब्युरो”स्पेशल क्राईम रिपोर्टर अहिल्यानगर जिल्हा) संपूर्ण नगर जिल्ह्यात खळबळ उडवून देणाऱ्या अहिल्यानगर जिल्ह्यातील पाथर्डी तालुक्यातील तिसगाव येथील कल्याण देविदास मरकड यांच्या खुनप्रकरणातील संशयित आरोपी अमोल गोरक्षनाथ गारुडकर यास नेवासा न्यायालयाने जामीन मंजूर केला आहे. ईतर दोन आरोपी बाबद मात्र काहीच निर्णय घेण्यात आला नाही.या बाबतची घटना अशी की दिनांक 1/11/2024 रोजी रात्री 9 वाजता मयत कल्याण देविदास मरकड हा त्याचे मित्र पंकज राजेंद्र मगर आणि इर्शाद जब्बार शेख यांना भेटून येतो असे पत्नीला सांगून घराबाहेर पडला होता. तो रात्रभर घरी न आल्याने आणि दुसऱ्या दिवशी त्यांचा ठावठिकाणा न लागल्याने त्याचा चुलत भाऊ याने कल्याण देविदास मरकड हा हरवल्या बाबद पाथर्डी पोलिस स्टेशनमध्ये फिर्याद दाखल केली होती.त्या नंतर दिनांक 4/11/2024 रोजी सायंकाळी 5.34 वाजता फिर्यादी याच्या परिचयाच्या व्यक्तीने फोन करून सांगितले होते की तुमच्या भावाची मिसिंगची बातमी हाॅटसाप वर प्रसिद्ध केली होती त्याच अनुषंगाने नेवासा तालुक्यातील प्रवरा संगम येथील नदीपात्रात तुमच्या भावाच्या शरीर यष्टीशी मिळते जुळते प्रेत मिळाले आहे.तुम्हाला त्याचे फोटो व्हाटसाप वर टाकले आहेत.अशा प्रकारे माहिती मिळाल्यानंतर फिर्यादी यांनी प्रवरा संगम येथे जाऊन ते प्रेत ओळखले होते.त्या नंतर सदर आरोपिच्या विरोधात दिनांक 5/11/2024 रोजी नेवासा पोलिस स्टेशनमध्ये गुन्हा रजिस्टर नंबर 1029/2024 कलम 302 प्रमाणे खुनाच्या गुन्ह्याची नोंद करण्यात आली होती. फिर्यादीत नेवासा पोलिसांना आरोपींचा संशय आल्यामुळे कोणत्या तरी अज्ञात हत्याराने अज्ञात कारणास्तव फिर्यादी याच्या भावाचा खून केला अशा आशयाची फिर्याद नेवासा पोलिस स्टेशनमध्ये दाखल करण्यात आली होती.त्या नंतर पोलिसांच्या तपासात आढळलेला आरोपी नामे अमोल गोरक्ष गारुडकर याने ॲडव्होकेट असिफ लतिफ शेख यांच्या मार्फत नेवासा येथील जिल्हा व सत्र न्यायाधीशांच्या समोर आरोपीच्या वतीने जामिनासाठी अर्ज दाखल केला होता. सदर जामिनासाठी च्या अर्जावर आरोपीच्या वतीने जोरदार युक्तिवाद होउन तो अर्ज न्यायालयाने ग्राह्य धरून आरोपींच्या काही अटी व शर्ती मान्य करून जामिनासाठी मंजूर केला आहे. आरोपीच्या वतीने ॲडव्होकेट महेश तवले,यांच्या मार्गदर्शनाखाली ॲडव्होकेट असिफ लतिफ शेख यांनी काम पाहिले.असिफ शेख हे पाथर्डी तालुक्यातील जवखेडे खालसा येथील जेष्ठ विधिज्ञ ॲडव्होकेट लतिफ इस्माईल शेख यांचे चिरंजीव आहेत.वडिलांचा वकिलीचा यशस्वी वारसा मुलाने चालवून न्यायालयिन क्षेत्रात नाव उज्ज्वल केले आहे.ईतर पंकज मगर आणि इर्शाद शेख या दोन संशयित आरोपीच्या बाबतीत मात्र नेवासा न्यायालयाने जैसे थे परिस्थिती ठेवली आहे.