हिरक मोहत्सवी पुरुष-महिला राज्य अजिंक्यपद व निवड चाचणी खो-खो स्पर्धा २०२५

हिरक मोहत्सवी पुरुष-महिला राज्य अजिंक्यपद व निवड चाचणी खो-खो स्पर्धा २०२५

धाराशिव, पुणे, सांगलीचे पुरुष व महिला दोन्ही संघ उपांत्य फेरीत

शेवगाव, ता. 15 : हिरकमहोत्सवी पुरुष व महिला राज्य अजिंक्यपद व निवड चाचणी खो-खो स्पर्धेच्या उपांत्य फेरीत पुरुष गटामध्ये पुणे विरुद्ध सांगली, मुंबई उपनगर विरुद्ध धाराशिव तर महिला गटामध्ये धाराशिव विरुद्ध पुणे आणि सांगली विरुद्ध नाशिक असे सामने रंगणार आहेत.

महाराष्ट्र खो-खो असोसिएशन, अहमदनगर खो-खो असोसिएशनच्या मान्यतेने व शेवगाव स्पोर्ट्स बहुउद्देशीय फाउंडेशन, सत्यभामा प्रतिष्ठान, मराठा विद्या प्रसारक समाजाचे न्यू आर्टस्, कॉमर्स आणि सायन्स कॉलेज यांच्या संयुक्त विद्यमाने अहिल्यानगर, शेवगाव येथे हिरकमहोत्सवी पुरुष व महिला राज्य अजिंक्यपद व निवड चाचणी खो-खो स्पर्धा खंडोबा क्रिडांगणावर उत्साहात सुरू आहे.

पुरुष गटातील उपांत्यपूर्व फेरीतील चुरशीचे सामने

आज सकाळच्या सत्रात पुरुष गटातील उप उपांत्य सामन्यात पुण्याने अहिल्यानगरवर 1 डाव 10 गुणांनी (15-10) मात केली. यामध्ये विजयी संघातर्फे अथर्व देहेण (3 मि. संरक्षण ), शुभम थोरात (2.30, 1 मि. संरक्षण व 1 गुण ), साहिल चिखले (1.50 मि. संरक्षण व 3 गुण ), सिद्धार्थ पवार (1 मि. संरक्षण व 3 गुण ) यांनी चांगला खेळ केला. अहिल्यानगर तर्फे नरेंद्र कातकडे (2.10, 1.20 मि. संरक्षण व 3 गुण ), सारंग लबडे (1.30 मि. संरक्षण व 3 गुण) व कृष्णा कोपनार (1 मि. संरक्षण व 1 गुण ) यांनी चांगला खेळ केला.

दुसऱ्या सामन्यात धाराशिवने ठाण्याचा 2 गुण आणि 2 मिनिटे 50 सेकंद राखून (20-18) पराभव केला. विजयी संघातर्फे विजय शिंदे (1.30, 1.50 मि. संरक्षण व 3 गुण ), रोहित चव्हाण (1.20, 1.30 मि. संरक्षण व 4 गुण ), सचिन पवार (1.20, 1. 20 मि. संरक्षण व 1 गुण ) यांनी उत्कृष्ट खेळाचे प्रदर्शन केले. पराभूत संघातर्फे लक्ष्मण गवस (1.30 मि. संरक्षण व 2 गुण ), शुभम उतेकर (1.10, 1 मि. संरक्षण व 1 गुण ) यांनी चांगला खेळ केला.

तिसऱ्या सामन्यात सांगलीने सोलापूरचा 2 गुण व 5.30 मि. राखून (14-12) पराभव केला. सांगली संघाकडून मिलिंद चावरेकर (2, 1.20 मि. संरक्षण व 2 गुण ), सागर गायकवाड (1, 1.40 मि. संरक्षण ), सौरभ घाडगे (1, 1.50 मि. संरक्षण ), सत्यजित सावंत (1.30, 1.50 मि. संरक्षण ) यांनी विजयात मोलाची कामगिरी केली. तर सोलापूर कडून अजय कश्यप (2 मि. संरक्षण व 3 गुण ), गणेश बोरकर (1, 1.20 मि. संरक्षण व 2 गुण ), रोहन रजपूत (1.30 मि. संरक्षण ) यांनी चांगला खेळ केला.

चौथ्या सामन्यात मुंबई उपनगर ने मुंबईचा (18-17) 20 सेकंद राखून 1 गुणाने पराभव केला. चूरशीच्या सामन्यात मुंबई उपनगर तर्फे अनिकेत पोटे (1.50, 1.30 मि. संरक्षण व 2 गुण), ओंकार सोनवणे (1, 1.20 मि संरक्षण व 1 गुण ), अक्षय भांगरे (1., 1.10 मि. संरक्षण व 3 गुण ) यांनी मोलाची कामगिरी केली. मुंबईतर्फे श्रेयस राऊळ (1, 1.20 मि. संरक्षण व 1 गुण ), श्रीकांत वल्लकटी (1, 1 मि. संरक्षण ), वेदांत देसाई (1.40 मि. संरक्षण व 4 गुण) यांनी चांगला खेळ केला.

महिलांचे उपांत्यपूर्व फेरीतील धमाकेदार सामने

महिला गटामध्ये पहिल्या सामना सांगली आणि रत्नागिरी यांच्यात चूरशीचा झाला. सांगलीने 1 गुणाने (13-12) विजय मिळवला. सानिका चाफे (2.30, 1.40 मि. संरक्षण व 3 गुण ), रितिका मगदूम (5 गुण ), प्रतीक्षा बिराजदार (1.40, 2.40 मि, संरक्षण) यांनी सांगलीकडून महत्वाची खेळी केली. तर पराभूत संघातर्फे रत्नागिरी कडून पायल पवार (1.50, 2.30 मि. संरक्षण व 2 गुण ), अपेक्षा सुतार (1.50, 2.20 मि. संरक्षण), दिव्या पालये (3 गुण) यांनी चांगला खेळ केला.

दुसऱ्या सामन्यात पुण्याने सोलापूरचा 10-8 असा 1 डाव 2 गुणांनी पराभव केला. त्यात श्वेता वाघ (3.20 मि. संरक्षण), प्रियांका इंगळे (3, 2 मि. संरक्षण व 3 गुण ), स्नेहा महाले (2 मि. संरक्षण व 1 गुण) यांनी विजयात मोलाची कामगिरी केली. तर सोलापूरकडून स्नेहा लामकाणे (1.30 मि. संरक्षण व 2 गुण), साक्षी देठे (1 मि. संरक्षण) यांनी चांगली कामगिरी केली.

तिसऱ्या सामन्यात धाराशिवने मुंबईचा 1 डाव 12 गुणांनी (17-5) असा पराभव केला. त्यात विजयी संघाकडून संध्या सुरवसे (5, 4 मि. संरक्षण व 4 गुण), संपदा मोरे (6 गुण ), अश्विनी शिंदे (2.50 मि. संरक्षण व 3 गुण ) यांनी उत्कृष्ठ खेळ केला.

चौथ्या सामन्यात नाशिकने ठाण्याचा (9-8) 1 गुणांने पराभव केला. विजयी संघातर्फे ज्योती मेढे (2, 1.20 मि. संरक्षण व 2 गुण), मनीषा पवार (2.50, 3 मि. संरक्षण व 1 गुण) यांनी चांगला खेळ केला. तर ठाणे कडून रेष्मा राठोड (2.20, 3.30 मि. संरक्षण व 2 गुण ), दीक्षा काटेकर (1.10, 2.10 मि. संरक्षण ) यांनी चांगला खेळ केला.

दरम्यान, या स्पर्धेतील अंतिम सामने उद्या सायंकाळच्या सत्रात होणार आहेत.