“युवासेनेचा युवा विजय महाराष्ट्र दौरा जळगावात दाखल- जितेंद्र जैन
अलीकडे पार पडलेल्या विधानसभा निवडणूक 2024अंतर्गत शिवसेना पक्षाचे मुख्य नेते माजी मुख्यमंत्री तथा सध्याचे उपमुख्यमंत्री मा. एकनाथ शिंदे साहेब यांच्या प्रमुख नेतृत्वात तसेच कार्यसम्राट खासदार डॉ श्रीकांत शिंदे यांच्या प्रमुख मार्गदर्शनाखाली तसेच युवा नेते युवासेना कार्याध्यक्ष पूर्वेश सरनाईक , युवासेना मुख्यसचिव राहुल लोंढे, सचिव किरण साळी आदी प्रमुख नेत्यांच्या अथक नियोजनबद्ध समाजसेवारुपी कार्याअंतर्गत शिवसेनेने तब्बल ६० जागी आपले आमदार निवडून आणले. तसेच प्रामुख्याने युवासेनेच्या माध्यमातून जळगाव जिल्ह्यातून शिवसेनेचे ५ पैकी ५ आमदार निवडून आणून आपले एक हाती निर्विवाद वर्चस्व प्रस्थापित केले. शिवसेना पक्षाच्या सदर अभूतपूर्व यशात युवासेनेचा महत्वपूर्ण प्रमुख सहभाग आहे.
त्याच अनुषंगाने युवासेनेचा ‘युवा विजय महाराष्ट्र दौरा’ निमित्त दौरा समिती येत्या १३ फेब्रुवारी २०२५ ला जळगाव जिल्ह्यात दाखल होत आहे.
सदर दौऱ्याअंतर्गत उत्तर महाराष्ट्र सचिव अविष्कार भुसे, युवासेना राज्य कार्यकारणी सदस्य प्रथमेश पाटील , किशोर भोसले, निखिल चौधरी, डॉ प्रियंका पाटील,योगिता ठाकरे,श्वेता सुयोग आदी युवासेना कमिटी सदस्य सहभागी होणार आहेत. “घरोघरी शिवसैनिक” आणि “गाव तिथे शाखा” यांची अंमलबजावणी करणे.
प्रत्येक जिल्ह्यात कॉलेज व विद्यापीठ
कक्षाची स्थापना करणे, सोशल मीडिया सेल ची स्थापना करणे, युवासेना संघटन मजबूत करण्याकरिता प्रत्येक तालुकानिहाय प्रमुख वक्ता तयार करणे, आरोग्य शिबीरे,रक्तदान शिबीरे, विविध शाळा तसेच कॉलेजला भेटी देत करिअर काउन्सिलिंग,शिक्षण साहित्यवाटप कार्यक्रम राबवणे असे व इतर अनेक कार्यक्रम राबविण्यात येणार आहेत. युवासेना पदाधिकाऱ्यांचे अभिनंदन करून आगामी येणाऱ्या स्थानिक स्वराज्य संस्था अंतर्गत पक्षाची संघटनात्मक बांधणीवर जोर देण्यात येणार आहे.
जितेंद्र बन्सीलाल जैन
युवासेना जिल्हाप्रमुख ,जळगाव(पाचोरा)
