दुसऱ्या राज्यस्तरीय कलाशिक्षक अधिवेशनात पाचोऱ्याचे कलाशिक्षक तसेच सुप्रसिध्द रांगोळीकार शैलेश कुलकर्णी यांचे रांगोळी प्रात्यक्षिक सादर
नुकतेच पंढरपूर येथे ८ व ९ फेब्रुवारी रोजी झालेल्या अखिल महाराष्ट्र राज्य शैक्षणिक कला संघ व सोलापूर जिल्हा शैक्षणिक कलाशिक्षक संघ यांच्या संयुक्त विद्यमाने कलाशिक्षण परिषदेचे दुसरे राज्यस्तरीय अधिवेशन नुकतेच पार पडले.
या राज्यस्तरीय कला शिक्षक संमेलनात पाचोरा येथील निर्मल इंटरनॅशनल स्कूल चे कलाशिक्षक तसेच सुप्रसिध्द रांगोळीकार शैलेश कुलकर्णी यांनी रांगोळी मधून व्यक्तिचित्र कसे साकारावे याचे प्रात्यक्षिक दिले. या प्रात्यक्षिकात त्यांनी रांगोळी मधून पदवीधर आमदार मा.श्री. सत्यजित तांबे यांची हुबेहूब व्यक्तिचित्र सादर केले. यास राज्य भरातून जमलेल्या कलाशिक्षकांनी तसेच कला रसिकांनी भरभरून दाद दिली.या संमेलनात माजी शिक्षक आमदार दत्तात्रय सावंत , प्रदर्शन सरचिटणीस शालिग्राम भिरूड , कला संचानालयाचे परीक्षा नियंत्रक नागेश वाघमोडे तसेच अनेक दिग्गज कलावंत , सेवानिवृत्त कलाशिक्षक तसेच अनेक मान्यवर उपस्थित होते.
