शिवाजीराव कर्डिले यांच्यावर त्यांची सख्खी पुतणी डॉक्टर शुभांगी शंकर शेडाळे/कर्डीले यांनी गंभीर स्वरूपाचे आरोप
राहुरी-पाथर्डी-नगर ब्युरो”अहिल्यानगर अहमदनगर जिल्ह्यातील राहुरी-पाथर्डी-नगर विधानसभा मतदारसंघातील महायुतीचे भाजपाचे उमेदवार शिवाजीराव कर्डिले यांच्यावर त्यांची सख्खी पुतणी डॉक्टर शुभांगी शंकर शेडाळे/कर्डीले यांनी गंभीर स्वरूपाचे आरोप करीत अहमदनगर जिल्हा पोलीस अधीक्षक राॅकेशजी ओला साहेब यांच्याकडे आपल्याला पोलीस संरक्षण देण्याची मागणी केली आहे. पञकार परिषद घेऊन डॉक्टर शुभांगी शेडाळे/ कर्डिले यांनी आपल्यावर माजी आमदार शिवाजीराव कर्डीले यांनी कशाप्रकारे अंन्याय केला आहे हे सांगून त्यांच्यापासून आपल्या जिवितास धोका निर्माण झाला असून आपल्यावर झालेल्या अंन्यायाचा पाढाच पञकार परिषदेत वाचून दाखवला. या आरोपामुळे राहुरी-पाथर्डी-नगर विधानसभा मतदारसंघात प्रचंड खळबळ उडाली आहे. माजी आमदार शिवाजीराव कर्डिले या आरोपाला नेमके काय उत्तर देतात याकडे सर्व अहमदनगर जिल्ह्याचे लक्ष लागले आहे.सरकारकडून लाडक्या बहिणीला आर्थिक मदत देण्यात येत आहे.पण तीच्या संरक्षणाची जबाबदार कोण घेणार असा बोचरा सवाल डॉक्टर शेडाळे/कर्डीले यांनी पञकार परिषदेत सरकारला विचारला आहे. या आरोप प्रत्यारोपाच्या फैरीमुळे राहुरी-पाथर्डी-नगर विधानसभा मतदार संघातील निवडणूकीचे वातावरण चांगलेच ढवळून निघाले आहे.
