विखेंचे खंदे समर्थक असलेले सातवडचे संभाजीराव वाघ यांचा आमदार प्राजक्त तनपुरे यांच्या गटात जाहीर प्रवेश !
(सुनिल नजन “चिफ ब्युरो”/अहिल्यानगर जिल्हा) अहमदनगर जिल्ह्यातील 223 नगर-राहुरी- पाथर्डी विधानसभा मतदारसंघातील महाविकास आघाडीचे उमेदवार आणि राष्ट्रवादी काँग्रेसचे शरदपवार गटाचे नेते आमदार प्राजक्तदादा तनपुरे यांची पाथर्डी तालुक्यातील वैजुबाभुळगाव, भोसे,दगडवाडी, कान्होबाची वाडी,ञीभुवनवाडी, कौडगाव,जोहारवाडी, ञनिंबोडी, देवराई, घाटशिरस,या गावातून जन आशिर्वाद यात्रेचा दौरा सुरू आहे.ही याञा सातवड गावातून जात असतानाच स्व.बाळासाहेब विखे पाटील यांचे खंदे समर्थक असलेले संभाजीराव वाघ पाटील यांच्यासह मतदारसंघातील अनेक गावातील प्रमुख कार्यकर्त्यांनी आमदार प्राजक्तदादा तनपुरे यांना विधानसभा निवडणुकीत आपला जाहीर पाठिंबा देत त्यांच्या सन्मान केला. यामुळे आमदार तनपुरे यांचे पारडे जड झाले आहे. या जाहीर प्रवेशाचे आमदार प्राजक्त तनपुरे यांच्या गटाने वाघ यांचे जोरदार शक्तिप्रदर्शन करीत स्वागत केले आहे. यावेळी त्यांच्यासोबत जवखेडेचे युवानेते अमोल वाघ पाटील, पिनु मुळे,राजेंद्र पाठक,जालिंदर वामन, प्रकाश शेलार, कुंडलिक मचे सर,राजेंद्र म्हस्के,बाळासाहेब लवांडे,इलियास शेख सर,हे उपस्थित होते.घाटशिरस येथेही मोठा सोहळा संपन्न झाला.
