पाचोऱ्यातील गुरुकुल इंटरनॅशनल स्कूल चे जिल्हा स्तरावर प्रथम क्रमांक
क्रीडा व युवासेवा संचलनालय महाराष्ट्र राज्य पुणे जिल्हा क्रीडा परिषद व जिल्हा क्रीडा अधिकारी कार्यालय,जळगांव द्वारा आयोजित जिल्हास्तरीय बुद्धिबळ स्पर्धा दिनांक 10 ऑक्टोबर 2023 रोजी 14 वर्ष आतील व 11 ऑक्टोबर 2023 रोजी 17 वर्षे आतील बुद्धिबळाचे सामने कांताई सभागृह, जळगाव या ठिकाणी संपन्न झाले. त्यात 17 वर्षा आतील मुलींमध्ये गुरुकुल इंटरनेशनल ची विद्यार्थिनी आदिती अलाहीत हिने जिल्ह्यातून प्रथम क्रमांक पटकावून विभागीय स्पर्धेसाठी तिची निवड झाली आहे तसेच 14 वर्षा आतील मुलींमध्ये गुरुकुलचीच विद्यार्थिनी श्रावणी अलाहित हिने जिल्हास्तरावर विजय मिळवून विभागीय स्तरासाठी पात्र ठरली आहे. विजयी खेळाडूंचे गुरुकुल शाळेचे प्राचार्य श्री प्रेम शामनानी सर , पर्यवेक्षिका सौ. अमेना बोहरा व शाळेतील शिक्षक वृंद यांनी अभिनंदन केले व पुढील स्पर्धेसाठी शुभेच्छा दिल्या. विजयी खेळाडूंना क्रीडा शिक्षक दिलीप चौधरी सर यांचे मार्गदर्शन लाभले.
अशा प्रकारे जिल्हा स्तरावर बुध्दीबळ स्पर्धेत दोन्ही गृप मध्ये पाचोऱ्यातील गुरूकुल इंटरनॅशनल स्कूल ने दणदणीत विजय मिळविला आहे.
