कठीण काळात प्रजापिता ब्रह्मकुमारींनी पाठबळ दिले ! : वैशालीताई सुर्यवंशी
ब्रह्माबाबा यांच्या स्मृती दिनानिमित्त सामनेरातील केंद्रात विशेष कार्यक्रम
पाचोरा, दिनांक 18 (प्रतिनिधी ) : माझे वडील हे प्रजापिता ब्रह्मकुमारी चळवळीत सक्रीय होते, ते गेल्यानंतरच्या अत्यंत कठीण काळात याच परिवाराने मला पाठबळ दिले, जगण्याची उमेद प्रदान केली असे भावपूर्ण प्रतिपादन शिवसेना-उध्दव बाळासाहेब ठाकरे पक्षाच्या नेत्या सौ. वैशालीताई सुर्यवंशी यांनी केले. त्या परमपूज्य ब्रह्मा बाबा यांच्या स्मृती दिनानिमित्त आयोजित कार्यक्रमात बोलत होत्या.
सामनेर येथील प्रजापिता ब्रह्मकुमारी केंद्रात ब्रह्मा बाबा यांच्या स्मृती दिनानिमित्त विशेष कार्यक्रमाचे आयोजन करण्यात आले. या कार्यक्रमाला प्रमुख अतिथी म्हणून शिवसेना-उध्दव बाळासाहेब ठाकरे पक्षाच्या नेत्या वैशालीताई सुर्यवंशी यांची उपस्थिती होती. त्यांच्यासह उपस्थिती मान्यवरांच्या हस्ते दीप प्रज्वलन करून कार्यक्रमात प्रारंभ झाला. यानंतर केंद्राच्या वतीने वैशालीताईंचे स्वागत करण्यात आले.
याप्रसंगी वैशालीताई सुर्यवंशी यांनी आपल्या मनोगतातून आपले कुटुंब आणि प्रजापिता ब्रह्मकुमारी चळवळ यांच्यातील भावबंधावर भाष्य केले. त्या म्हणाल्या की, माझे वडील तीर्थरूप तात्यासाहेब हे या चळवळीशी जुडलेले होते. ते स्थानिक केंद्रात तर जातच होते, पण अनेकदा माऊंट आबू येथे देखील गेले होते. त्यांच्या जीवनावर या आध्यात्मिक मार्गाचा मोठा प्रभाव होता. तात्यांचे आकस्मिक निधन झाल्यानंतरच्या खडतर कालखंडात प्रजापिता ब्रह्मकुमारीच्या स्थानिक दिदींनी मला मोठा धीर दिला. आज व्यस्त वेळापत्रकातून वेळ मिळत नसला तरी आपण नियमित ध्यान-धारणा करतो आणि आगामी काळात याला अजून जास्त वेळ देणार असल्याचे वैशालीताई सुर्यवंशी यांनी आवर्जून नमूद केले.
दरम्यान, आपण एक विचार घेऊन पुढे चाललो असून यात महिला म्हणून आपण सर्वांनी माझ्या पाठिशी भक्कमपणे उभे राहण्याचे आवाहन त्यांनी केले. एखादी महिला ही अतिशय काटकसर करून देखील ज्या प्रकारे संसार करून दाखविते, अगदी त्याच प्रमाणे राजकारणात आपण भूमिका बजावणार असल्याचे त्यांनी प्रतिपादन केले.
या कार्यक्रमालायाप्रसंगी शरद पाटील तालुकाप्रमुख, विनोद आप्पा बाविस्कर, राजूभाऊ पाटील, राजू काळे, पप्पू राजपूत, सावकार दादा, सुनील पाटील, अमरसिंग पाटील, अशोक कुमावत, मनोज पाटील, सचिन पाटील, मुन्ना अशोक पितांबर, श्रीराम ढमाले, किरण पाटील, देवा भाऊ, बापू पाटील, नितीन महाजन संजय ठाकरे अशोक महाजन एकनाथ महाराज, महान आप्पा पाटील, आनंदा पाटील, रवींद्र पोपट पाटील, कैलास पाटील, प्रवीण पाटील, हेमराज पाटील समाधान पाटील गफार भाई, अभिषेक खंडेलवाल, आणि समस्त तालुका पदाधिकारी या मान्यवरांची उपस्थिती होती.
